REVISTA SEMENTEIRA nº37

 REVISTA SEMENTEIRA 2025

Descargar documento

PREMIO LITERARIO

 No concurso literario "Descubrindo Oleiros" gañou o noso alumno de 4º EP, Pedro Vilela, cun relato ambientado en Oleiros escrito en lingua galega, titulado "A bruxa Maruxa". Parabéns Pedro!

REGUEIFAS

 Esta semana , o alumnado de 5º e 6º EP aprendeu a regueifar co obradoiro de regueifas impartido por Lupe Blanco, organizado polo Servizo de Normalización Lingüística do Concello.

MARCAPÁXINAS VIAXEIRAS

 Dentro do PDI "A volta ao mundo" cada clase mandou e recibiu cartas doutros países. Dentro da carta tamén había un marcapáxinas cunha palabra, frase ou poema en galego e un debuxo relacionado con Galicia para que coñezan un pouquiño da nosa terra noutros países.

DICIONARIO OLEIRENSE

 Este ano comezamos o noso dicionario ilustrado coas palabras máis fermosas da nosa lingua. Cada neno e nena elixiu a súa favorita do A ao L e o ano que ven farémolo do L ao Z.

A NOSA HORTA

 Os nenos e nenas de 1º, 2º e 3º EP son os ancargados este ano do coidado do noso horto. Contamos cos monitores e monitoras do concello, coas súas explicacións teóricas e prácticas para asesorarnos no tocante a todo o tema horticultor, ademáis enfocamos este traballo recoñecendo os vocablos propios da horta, os alimentos a cultivar…empregando e coñecendo a nosa lingua, así coma as variantes de vocablos dependendo das zonas. Velaquí plantando unhas berenxenas e unhas cabazas e regando as preciosas leitugas.

A RULETA DAS LETRAS

 O alumnado de 3º EP participou nun obradoiro polo Día das Letras Galegas. A través dun xogo cunha ruleta, o alumnado foi superando diferentes probas e resolvendo paneis para ir descubrindo obras literarias, cancións populares, escritoras/es e lingua. Un xogo moi divertido a través do cal aprenderon moitas cousas da nosa lingua.