Música en Galego

      Na xornada de hoxe o alumnado de 6º nivel de Educación primaria gozou da actuación do CENTRO COREOGRÁFICO GALEGO, grupo de música tradicional. Moitas grazas por tan fermosa actividade!

Obradoiro de Música e Arte con Martín Códax

     Dende o Servizo de Normalización Lingüística do Concello de Oleiros propuxéronons un obradoiro sobre Música e Arte con Martín Códax: unha sinxela introdución á lírica galego-portuguesa medieval con especial atención á Cantiga de Amigo de Martín Códax, autor que é homenaxeado neste ano 2023 no día das Artes Galegas. 

     Velaquí unha proba do traballo feito polas nenas e nenos de 6º de EI e de 1º e 2º de EP no que cada un ilustrou o seu Pergamiño Vindel!

Letras Galegas 2023-Francisco Fernández del Riego

Quen era?

    Francisco Fernández del Riego, naceu na localidade luguesa de Vilanova de Lourenzá o 7 de xaneiro de 1913 e faleceu en Vigo o 26 de novembro de 2010.

    Publicou cos pseudónimos de Adrián Solovio, Adrián Soutelo, Salvador Lorenzana, Cosme Barreiros e Alevín, traballando, desde os anos 30, a prol da cultura galega.

    Foi un dos creadores da editorial Galaxia e director xunto a Ramón Piñeiro da revista Grial nos seus primeiros cen números.

    Presidiu a Real Academia Galega de 1997 a 2001.

    O 9 de xullo de 2022, o plenario da RAG acordou dedicarlle o Día das Letras Galegas do ano 2023.

Biografía en formato Cronolóxico:

Pincha aquí para ver a súa biografía cronolóxica.

Arquivos para imprimir e traballar o autor:

        Coma tódolos anos o Seminario Galán ofrécenos un material para imprimir e traballar este autor. Pincha neste enlace para poder seleccionar o que máis che guste.

Obras e fotografías de Francisco Fernández del Riego:

Obras.

Fotografías.

Fonte: Seminario Galán

Documentos para imprimir de Francisco Fernández del Riego.