A NOSA HORTA

  Os nenos e nenas de 1º, 2º e 3º EP son os ancargados este ano do coidado do noso horto. Contamos cos monitores e monitoras do concello, coas súas explicacións teóricas e prácticas para asesorarnos no tocante a todo o tema horticultor, ademáis enfocamos este traballo recoñecendo os vocablos propios da horta, os alimentos a cultivar…empregando e coñecendo a nosa lingua, así coma as variantes de vocablos dependendo das zonas. Velaquí plantando unhas berenxenas e unhas cabazas e regando as preciosas leitugas.

8M

 O alumnado de 5º e 6º de EP participaron na actividade do concello polo 8M, no que cada neno/a presentou un lema que podía ir acompañado dun debuxo. A alumna de 6ºB, Valeria Rostro, gañou co lema:

"ROMPAMOS O TEITO DE CRISTAL"

O Cocello de Oleiros agasallounos con bolsas de tea para todo o alumnado participante, co lema de Valeria.

REVISTA SEMENTEIRA

Fai un click enriba do link

Revista Sementeira

Dicionario oleirense

Este ano rematamos entre todo o cole o "Dicionario oleirense" cheo de palabras galegas que transmiten a maxia, a dozura e o valor de identidade da nosa cultura. 

            

                                                  

 

 

Concerto de pais

 A semana pasada, tres pais de alumnos de educación infantil do cole, nos acompañaron nunha xornada chea de música. Coa guitarra, o caixón de percusión e a gaita, encheron a aula de acordes, cancións tradicionais moi coñecidas como "A saia de Carolina" e "O tren" e ritmos que nos fixeron imposible quedarnos quedos. Queremos dar as grazas por dedicar o seu tempo e regalarnos esta experiencia tan enriquecedora.

DÍA DAS LETRAS GALEGAS E MAIOS

 O venres o noso colexio encheuse de música, tradición e lingua, nunha xornada única para festexar os Maios e o Día das Letras Galegas, dedicado este ano a Begoña Caamaño. O pavillón vibrou cos ritmos do acordeón, a gaita e as pandeiretas. O alumnado danzou e cantou coplas creadas por eles mesmos. O momento estelar foi a Danza das Fitas, onde trenzaron os lazos de cores simbolizando a benvida da primaveira. Para rematar, unha mamá dun neno de infantil, Ana Cibreiro, deleitounos coa súa música galega e o alumnado de sexto a entrevistaron na radio. 

Tamén nos acompañaron usuarios da Residencia de maiores de Oleiros, poñendo flores no maio e cantando  cancións como "Amoriños collín"

e o "Himno galego".

 Grazas a toda a comunidade educativa pola súa colaboración e por esta xornada inesquecible onde demostramos que a nosa lingua e as nosas tradicións seguen máis vivas que nunca.

Regueifas 2026

 Hoxe o alumnado de 5º e 6º de EP participaron nun obradoiro de Regueifas, traballando de xeito lúdico a expresión oral en verso con achegas do rap. Todo unha experiencia para achegarnos á cultura galega.